{"id":9365,"date":"2022-03-16T13:01:47","date_gmt":"2022-03-16T08:01:47","guid":{"rendered":"http:\/\/fyut.uz\/?p=9365"},"modified":"2022-03-16T13:01:47","modified_gmt":"2022-03-16T08:01:47","slug":"9365","status":"publish","type":"post","link":"https:\/\/fyut.uz\/?p=9365","title":{"rendered":""},"content":{"rendered":"

Viloyat sudining sudyalari bilan uchrashuv o’tkazildi<\/h2>\n

<\/a>Joriy yilning 16-mart kuni Farg\u02bbona viloyat sudining iqtisodiy ishlar bo\u02bbyicha sudyalari M.Ummatova va F.Amanovlar tomonidan texnikumning o\u02bbquvchi-yoshlariga O\u02bbzbekiston Respublikasida sud hokimiyati, Korrupsiya davr kushandasi hamda O\u02bbzbekiston Respublikasi Prezidentining \u201c2022-2026-yillarga mo\u02bbljallangan Yangi O\u02bbzbekistonning taraqqiyot strategiyasi to\u02bbg\u02bbrisida\u201dgi Farmonining mazmun-mohiyati xususida ma\u02bclumot berdilar.<\/p>\n

<\/a>F.Amanov o\u02bbz ma\u02bcruzasida O\u02bbzbekiston Respublikasida hokimiyatlar bo\u02bblinishi prinsipiga ko\u02bbra, qonun chiqaruchi, ijro etuvchi va sud hokimiyatidan iboratligini, sud hokimiyati O\u02bbzbekiston Respublikasi Konstitutsiyasining 12-bobi va \u201cSudlar to\u02bbg\u02bbrisida\u201dgi Qonuni bilan tartibga solinishini bildirib, sudlarni tashkil etish va ularning faoliyat ko\u02bbrsatish tartibi qonun bilan belgilanadi. Favqulodda sudlar tuzishga yo\u02bbl qo\u02bbyilmaydi deb belgilab qo\u02bbyilganligini bayon qildi.<\/p>\n

<\/a>Shuningdek, Konstitutsiyaning 110-moddasi O\u02bbzbekiston Respublikasi Oliy sudi fuqarolik, jinoiy, iqtisodiy va ma\u02bcmuriy sud ishlarini yuritish sohasida sud hokimiyatining oliy organi hisoblanadi.<\/p>\n

<\/a>U tomonidan qabul qilingan hujjatlar qat\u02bciy va O\u02bbzbekiston Respublikasining barcha hududida bajarilishi majburiydir. O\u02bbzbekiston Respublikasi Oliy sudi quyi sudlarning sudlov faoliyati ustidan nazorat olib borish huquqiga ega.<\/p>\n

<\/a>Shuningdek, 111-moddada O\u02bbzbekiston Respublikasi Sudyalar oliy kengashi sudyalar hamjamiyatining organi bo\u02bblib, u O\u02bbzbekiston Respublikasida sud hokimiyatining mustaqilligi konstitutsiyaviy prinsipiga rioya etilishini ta\u02bcminlashga ko\u02bbmaklashadi deb belgilab qo\u02bbyilganligi ta\u02bckidlab o\u02bbtdi.<\/p>\n

<\/a>Shundan so\u02bbng, viloyat sudining sudyasi M.Ummatova so\u02bbzga chiqib, M.Ummatova o\u02bbz ma\u02bcruzasida kun tartibidagi \u201cKorrupsiya davr kushandasi\u201d mavzusida qo\u02bbyidagilarni so\u02bbzladi: Korrupsiya – bu mansabdor shaxsning o\u02bbz mansabi bo\u02bbyicha berilgan huquqlarni shaxsiy boyish maqsadlarida bevosita suiiste\u02bcmol qilishdan iborat qilmishdir. Mazkur illat demokratiya va huquq ustuvorligi asoslariga putur yetkazadi, inson huquqlari buzilishiga olib keladi, odamlar xavfsizligiga tahdid soladi. Ta\u02bckidlash joizki, mamlakatimizda korrupsiyaga qarshi kurashish hamda ushbu turdagi jinoyatlarni sodir etilishini oldini olishga qaratilgan kompleks chora-tadbirlar tizimli ravishda amalga oshirilayotganligini aytib o’tdi.<\/p>\n

<\/a>Shuningdek, M.Ummatova o\u02bbz ma\u02bcruzasini davom ettirib, O\u02bbzbekiston Respublikasi Prezidenti tomonidan \u201c2022-2026-yillarga mo\u02bbljallangan Yangi O\u02bbzbekistonning taraqqiyot strategiyasi to\u02bbg\u02bbrisida\u201dgi Farmoni hamda 2022-yil \u2013 \u201cInson qadrini ulug\u02bblash va faol mahalla yili\u201dda amalga oshirishga oid Davlat dasturi imzolanganligini ma\u02bclum qildi.<\/p>\n

<\/a>Davra suhbati ishtirokchilari o\u02bbrtasida qizg\u02bbin bahs-munozaralar va savol-javoblar bo\u02bblib o\u02bbtdi.<\/p>\n

\n
\n